14 de agosto de 2015

SEDE DO CAMIÑANTE


"El caminante sobre el mar de nubes"
CASPAR DAVID FRIEDRICH



SEDE DO CAMIÑANTE

Que buscas nas correntes exaltadas
en cada posta de sol, no declinar da palabra
nos límpidos farallóns que son memoria.

Que arxila indemne nos prófugos dédalos
na exasperante contradición de facer castelos
que serán ruínas memorables.

A verdade comunmente pasa inadvertida
entre múltiples razóns
escanciada nese trago que xa bebemos.

Con que estraña paixón
cada palabra vén aos teus labios.


Raquel Pazos
14 agosto 2015
Licencia de Creative Commons