10 de maio de 2017

Cronopio


*Os CRONOPIOS son personaxes dunha serie de contos do escritor arxentino Julio Cortázar. "Un cronopio é un debuxo fóra da marxe, un poema sen rimas.

Cortázar evita dar unha descrición física precisa dos cronopios e refírese a eles só como "seres verdes e húmidos". En xeral, os cronopios son presentados como criaturas inxenuas, idealistas, desordenadas, sensibles e pouco convencionais.

8 de maio de 2017

Unhas letras

Quen me compra unhas letras
Sen débitos e a longo prazo
Para degustalas ou desfacelas
A gusto do consumidor
Ou simplemente estrelarse a alma
Estreitar lazos,
Iniciar complicidades,
Acougar a sede,
Ou coserse as ás rotas
E botar a voar


3 de maio de 2017

Pensei que viñas para quedar
Que me ensinabas este novo xogo
de como gañar máis sorrisos
para xogalo comigo toda a vida
Pero non

Eu armei un espazo amplo
para que entrases con todas as túas pertenzas
con toda a túa luz
con todas as túas cicatrices
un espazo único
pero apenas se abriches o armario
e todo foi en ti indiferenza,
estreiteza, vileza, escuridade

Resultan inútiles as nosas palabras
mirándonos aos ollos sen pestanexar
caídas sen motivación
sen tan sequera un triste aleteo
Cando o silencio nos vence
en calquera encontro casual
farémoslle a honra
por cosernos os labios
Pensei que viñas para quedar
Pero non
Neste silencio non hai ruído