Superficie inclinada

Declive pronunciada

Ribazo dun foso

A palabra é un esgallo

que sen cortar permanece

Un enxerto que prende

aquí, e prende

acolá,

na pedra triste

na pabea seca

na punta da lingua

na liña duns labios

que nunca a dirán.

©Raquel Pazos

QUE NON, 

o que me motivas

non importa

porque perdiches todo interese 

e só cumpres

E cando salto as ondas 

xa non me acompañas

só sorrís

desde a beira afastada

e os teus bicos, os teus bicos

non teñen o sabor orixinal

por iso aprendín a pechar a boca

E cando salto as ondas

xa só importa non tragar

máis auga salgada.